Shuttle Stories 1

"Ayalaaaa! Ayalaaaa!!!"

Yan ang sigaw ng barker ng shuttle sa may amin every morning. Iba-ibang sasakyan na biyaheng Ayala sa umaga at Las Pinas naman sa gabi. Very convenient na rin kesa ang mag-bus o jeep pwera lang kung inabot ka ng malas dahil yong pinakamainet na shuttle ang nasakyan mo.

Madaming iba't ibang klase ng tao ang sumasakay sa shuttle, kahit na karamihan dyan kilala mo na sa mukha kase nga uma-umaga na lang eh sila ang kasakay mo, hinde nga lang lahat kabatian mo ng, "Oi! Late na tayo!" Minsan nga pag wala pang shuttle, 'yong mga magkakabatian ng "Hi!" ang lagi namang magkakasabay pag magta-taxi na lang kase nagmamadali sila. Kaya maganda ding maging friendly ka kahit ayaw mo, atleast me karamay ka sa pagta-taxi, kung suplada ka at ayaw mamansin sa umaga...naku! mabubuwiset ka lang kakahintay sa shuttle na super-tagal bumalik ng terminal...lalo kung late ka na ng 1 oras! Malamang sa malamang...magji-jeep ka na lang.

Anyway...almost 1 1/2 hours ang ginugugol ko sa loob ng shuttle na yon papasok at pauwi. Kaya di maiiwasan...me maitatawag na'ko sa mga kasakay ko don. Isa sa mga favorite kong kasakay ay si...

Miss Alarm Clock.

Nung una ko siyang makasabay, hinde ko akalain ganon siya matulog. Unang reaksyon ko talaga nong nakatulog na siya...NATAWA TALAGA AKO! Kahit antok na antok pa'ko sa shuttle no'n, nung nakita ko na tulog na siya, nakanganga, at ang leeg niya eh parang orasang umiikot na pa-clockwise/counter clockwise...di ko talaga napigilan humagikhik! Naisip ko, hinde niya ba nararamdaman na umiikot ang ulo niya? Ganon talaga siya kahimbing matulog?!! Tapos magigising na lang siya pag andon na siya sa bababaan niya. Sa totoo lang nga...para nga siyang ALARM CLOCK, kase ganon sia matulog tapos pag bababa na siya, parang me alarm sa katawan niya na gigising sa kanya...na parang walang nangyari. Yan si Ms. Alarm Clock.

(Sana sa kama hinde ganyan ang ulo niya pag natutulog noh! Kung ako makatabi niyan sa kama tapos umiikot pa din ulo, taena!!! Magfe-freak out talaga ako! Yaaayyy!!)

Meron naman minsan si Miss May I sleep on your shoulder. (haba!)

Nakakatuwa din 'tong si Miss May I eh, ang sarap good time-in kung napasobrang pasaway lang talaga ako. Ang drama kase nito, pagsakay pa lang ng shuttle, tulog na yan! Parang yong pagsakay lang sa shuttle ang oras niya para matulog...mistulang kama niya ang shuttle na yon! Tapos...di ko alam kung malas mo o swerte mo pag nakatabi mo siya. Tuwing makakaharap ko siya tapos makikita ko na yong makakatabi niya, hehehehe, isip-isip ko..."Yari ka!"

Pag pumikit na ang mata niya, mawawala na yong kaluluwa niya sa katawang tao niya sa sobrang sleeping like crazy nitong babaeng 'to! Hinde niya din alam na nagkakaroon siya ng instant UNAN.

Hala! Sandal sa balikat sa kanan, sa kaliwa!!! Minsan nga, kaharap ko sila, napapatawa na lang din ako kase yung katabi niya naiinis na kakasandal sa balikat niya (siguro mabigat :P), so umuurong na siya palabas don sa upuan, so si Ms. May I, pag bumabagsak na yong ulo niya, naiipit yong ulo niya sa likod ng katabi niya...nagigising na lang siya, may malaking likod sa mukha niya! HAHAHAHAHA!!! Bulaga!

Kung si Miss May I, patagilid ang bagsak ng ulo niya, meron namang mga bumabagsak ang ulo paharap at patalikod. Sila sila Miss/Mr. Manok at Miss/ Mr. Ouch! or Blue Sky.

Si Miss/ Mr. Manok. Sila yong mga taong kung matulog eh parang manok na tumutuka ng palay. Madami saten ang ganyan, kahit ako ganyan e. Normal lang naman yang ganyang mga gestures pag natutulog, minsan lang nadadagdagan ng kakwelahan. Kunwari may taong nakasalamin tapos tulog na tulog at biglang napatuka...kung saktong nakita mo siya na gumanon tapos nakita mo rin na biglang nahulog yong salamin niya sa sahig, mapapangisi ka na lang siguro.

Si Miss/Mr. Ouch o Blue Sky (tawag ni Grace) naman eh yong mga kasakay ko sa shuttle na pag tumilapon naman ang ulo nila eh, patalikod. Minsan nagaganito din ako...at minsan nakakahiya. Pag tahimik na tahimik sa shuttle tapos biglang me narinig kang "BOG!", si Ms./ Mr. Ouch yon! Tumama ang ulo sa salamin! Ouch! I'm sure patay malisya yan...tulog ulet...kunwari hinde nasaktan! Hahahahhaaa!!! Ganon din kase ako e.

(Ang Ms./Mr. Blue Sky, para yon sa nagji-jeep,kase pag tulog sila at nagising sila na nakabend na ang ulo nila sa likod sa labas ng bintana ng jeep, masasabi na lang nila, "Ay! Blue Sky!" Mahirap maging ganito sa jeep ha...baka paggising mo wala ka ng ulo! Hehehehe)

Meron naman akong nakakasakay na sobrang K*PAL talaga. Si Mr. K*ps.

Isa siya sa mga kasakay ko na hinde nakakatuwa. Kase mayabang at ungas ang isang katulad niya. Siya yong tipong, hinde pwedeng magshort-cut ang driver kesihodang mamatay kayo lahat sa gutom at maipit sa napakatagal na trapik, hinde niyo ko pwedeng pag-jeepin, kelangan ihatid ako ng driver dahil nagbayad ako pipti pesos!!!
Yon! Siya yon!!! Peste di'ba! Sarap itulak habang pababa ng pinto ng shuttle! Samantalang sabit lang naman siya dahil sa Paranaque sia bumababa, eh ang biyahe namen ay Las Pinas, pasalamat na nga lang siya at dumadaan ang shuttle don sa lugar niya. Pero kung traffic, umiiwas ang shuttle sa lugar nila, pero pwedeng isakay niya na lang ng jeep dahil malapit na lang naman. Yon eh kung me konting bait 'tong taong to...KASO WALA!

Nagagalit siya pag pinakikiusapan siya ng driver na mag-jeep na lang pabalik, malapit na lang naman at bibigyan siya ng pamasahe, ayaw niya! Wala daw siyang pakelam sa mahabang traffic na susuungin namen pabalik matapos siya ihatid, ang importante nagbayad siya kaya ihatid siya! TANGINA MO!!! MAG-TAXI KA!!! Hinayupak na'to! Haayyy!!! Kakahigh-blood pag yan ang kasakay ko e!

Marami pang mga iba't ibang characters ang makikilala niyo sa shuttle. Break muna tayo.

Meryenda muna mga friends! :)